सेवा माहिती अधिकार

महाराष्ट्र लोकसेवा हक्क अधिनियम

महाराष्ट्र राज्यातील नागरिकांना शासनामार्फत व शासनाचे अधिनस्त सर्व सार्वजनिक प्राधिकरणांमार्फत दिल्या जाणाऱ्या अधिसूचित सेवा पारदर्शक, गतिमान व विहित कालमर्यादेत देण्यासाठी महाराष्ट्र लोकसेवा हक्क अधिनियम 2015 पारित करण्यात आला असून तो दि. 28.04.2015 पासून अंमलात आहे. नागरिकांना सुलभ व कालमर्यादेत सेवा मिळाव्यात हे त्याचे उद्दिष्ट आहे. वरीलप्रमाणे अधिसूचित सेवा नागरिकांना दिल्या जात आहेत किंवा नाही यावर देखरेख, समन्वय, सनियंत्रण ठेवण्यासाठी व या संदर्भात सुधारणा सुचविण्यासाठी उपरोक्त कायद्यान्वये महाराष्ट्र राज्य सेवा हक्क आयोग गठीत करण्यात आला असून आयोगामध्ये एक मुख्य आयुक्त व सहा आयुक्त कार्यरत आहेत. आयोगाचे मुख्यालय नविन प्रशासकीय भवन, मंत्रालयासमोर, मुंबई येथे असून सहा विभागातील मुख्यालयाच्या ठिकाणी आयुक्तांची कार्यालये आहेत. पात्र नागरीकांना विहित वेळेत सेवा न मिळाल्यास अथवा नियमोचित कारणाशिवाय ती नाकारल्यास अशा निर्णयाविरुद्ध संबंधितांना वरीष्ठांकडे प्रथम व द्वितीय अपिल करता येते व तरीही समाधान न झाल्यास आयोगाकडे तृतीय अपिल करता येते. कसूरदार अधिकाऱ्यास प्रतिप्रकरण रु. 5000/- पर्यंत दंड होऊ शकतो. या विभागामार्फत दिल्या जाणाऱ्या अधिसुचित सेवांची यादी सोबतच्या प्रपत्रात दिली आहे.

महाराष्ट्र राज्य सेवा हक्क आयोगाची वेबसाईट खालीलप्रमाणे आहे :-https://aaplesarkar.mahaonline.gov.in

महाराष्ट्र लोकसेवा हक्क अधिनियम (आरटीएस) – 2015

अ.क्र.	विभागाचे नाव	लोकसेवेचे नांव	लोकसेवा पुरविण्यासाठीची कालमर्यादा (कामकाजाचे दिवस)	अर्जाचा विहित नमुना व असल्यास शुल्क	पदनिर्देशित अधिकारी	प्रथम अपील प्राधिकारी	व्दितीय अपील प्राधिकारी
1	महिला व बाल कल्‍याण विभाग	अंगणवाडीतील गरोदर मातांची नोंदणी करणे	1 दिवस	निरंक	अंगणवाडी सेविका	अंगणवाडी पर्यवेक्षिका	बाल विकास प्रकल्‍प अधिकारी
2	महिला व बाल कल्‍याण विभाग	06 महिने ते 3 वर्षापर्यंतच्‍या मुलींची अंगणवाडीत नोंदणी करणे	1 दिवस	निरंक	अंगणवाडी सेविका	अंगणवाडी पर्यवेक्षिका	बाल विकास प्रकल्‍प अधिकारी
3	महिला व बाल कल्‍याण विभाग	03 वर्षे ते 6 वर्षापर्यंतच्‍या मुलींची अंगणवाडीत नोंदणी करणे	1 दिवस	निरंक	अंगणवाडी सेविका	अंगणवाडी पर्यवेक्षिका	बाल विकास प्रकल्‍प अधिकारी
4	महिला व बाल कल्‍याण विभाग	किशोर शक्‍ती योजनेतंर्गत मुलींची नोंदणी करणे	1 दिवस	निरंक	अंगणवाडी सेविका	अंगणवाडी पर्यवेक्षिका	बाल विकास प्रकल्‍प अधिकारी